Չմոռանալով պատմությունը՝ պետք է կարողանանք առաջ շարժվել․ Արմեն Սարգսյան
Այսօր ոգեկոչում ենք Հայոց ցեղասպանության անմեղ զոհերի հիշատակը, սակայն ապրիլի 24-ը միայն ցավի և հիշողության օր չէ. ասել է ՀՀ չորրորդ նախագահ Արմեն Սարգսյանը։
«Այն նաև խորհրդանշում է մեր ժողովրդի կենսասիրությունը, համառությունը, նպատակասլացությունը, չկոտրվելու վճռականությունը, վերապրելու և վերստին արարելու ուժը։
Չմոռանալով մեր պատմությունը՝ պետք է կարողանանք առաջ շարժվել՝ ապագայի հանդեպ լավատեսությամբ, հույսով ու հավատով»,- նշել է Սարգսյանը։
