ԵՄ դեսպանը կանչվել է Վրաստանի ԱԳՆ
Վրաստանի ԱԳՆ է կանչվել երկրում ԵՄ դեսպան Պավել Գերչինսկին։
Դեսպանը կանչվել է Վրաստանի արտաքին գործերի նախարար Մակա Բոճորիշվիլիի հետ հանդիպման՝ կապված նրա հայտարարության հետ, որ նա արել էր Վրաստանի վերաբերյալ Եվրամիության արտաքին գործողությունների ծառայության կազմակերպած միջոցառման ժամանակ։
«Բրյուսելի նման գործողությունները և Վրաստանի վերաբերյալ արված հայտարարությունները խաթարում են գործընկերների միջև վստահությունը, վնասում վրաց-եվրոպական հարաբերություններին և ուղղված են դրանց դեմ», – նշել է Բոճորիշվիլին։
Նախարարը նաև ընդգծել է Վրաստանի կառավարության հետևողական պատրաստակամությունը կառուցողական երկխոսության համար և հայտնել, որ Եվրամիության կողմից արդար և հարգալից վերաբերմունք է ակնկալում երկրի նկատմամբ։
