Թուրքիայում զինված հարձակում է իրականացվել նախկին արտգործնախարար Չավուշօղլուի եղբոր վրա

Թուրքիայում զինված հարձակում է իրականացվել նախկին արտգործնախարար Մևլութ Չավուշօղլուի եղբոր՝ Այդըն Չավուշօղլուի վրա։

Թուրքական լրատվամիջոցների փոխանցմամբ՝ հարձակումը տեղի է ունեցել երեկ երեկոյան՝ Ալանիայում գտնվող գործարարի գրասենյակում։

Ըստ տեղեկությունների՝ հարձակումից հետո Այդըն Չավուշօղլուն տեղափոխվել է հիվանդանոց և այժմ գտնվում է վերակենդանացման բաժանմունքում։ Նրա վիճակը գնահատվում է ծանր։

Ոստիկանությունը դեռևս որևէ պաշտոնական տեղեկություն չի հրապարակել միջադեպի վերաբերյալ, այդ թվում՝ հարձակվողի ինքնության և հնարավոր դրդապատճառների մասին։