Լևոն XIV-ը՝ 1 տարի Հռոմի պապ

Ուրբաթ կլրանա Հռոմի պապ Լևոն XIV-ի՝ Կաթոլիկ եկեղեցու ղեկավարման առաջին տարին․ գրում է Reuters գործակալությունը։

Առաջին ամերիկացի պապը, որ վերջերս աֆրիկյան 4 երկիր կատարած այցի ընթացքում կտրուկ դատապարտեց պատերազմն ու բռնապետությունը, այս ամիս պատրաստվում է հրապարակել իր առաջին ուսմունքային համապարփակ փաստաթուղթը, ինչպես նաև հունիսին մեկշաբաթյա այց կատարել Իսպանիա։

Լևոն XIV-ը, որը Հռոմի պապի պաշտոնում իր առաջին 10 ամիսների ընթացքում ունեցել է համեմատաբար ցածր հանրային ակտիվություն, Իրանի դեմ ԱՄՆ-Իսրայել պատերազմը քննադատելուց հետո հայտնվեց ԱՄՆ նախագահ Դոնալդ Թրամփի թիրախում։ Նա հինգշաբթի կհանդիպի ԱՄՆ պետքարտուղար Մարկո Ռուբիոյի հետ․ սա կլինի գրեթե մեկ տարվա ընթացքում Թրամփի վարչակազմի պաշտոնյայի հետ նրա առաջին հանդիպումը։

Սուրբ Աթոռում ԱՄՆ դեսպանը երեքշաբթի հայտարարել է, որ Թրամփի վարչակազմի քաղաքականությունը Կաթոլիկ աշխարհի առաջնորդի հետ քննարկելիս Ռուբիոն ակնկալում է «անկեղծ զրույց»։