«Ռոսսելխոզնադզոր»-ը ստուգումներ կանցկացնի մի շարք հայկական ձեռնարկություններում

ՀՀ սննդամթերքի անվտանգության տեսչության պետ Տիգրան Պետրոսյանի հետ բանակցություններից հետո, «Ռոսսելխոզնադզոր»-ը հայտարարել է, որ ստուգումներ կանցկացնի մի քանի հայկական ձեռնարկություններում․ գրում է ТАСС-ը։

«Ռոսսելխոզնադզոր»-ը կստուգի նաև այն ձեռնարկությունները, որոնց առաքումները Ռուսաստան կասեցվել էին կեղծ ձկնամթերքի (ենթադրաբար եվրոպական ծագում ունեցող) կասկածելի ներմուծման պատճառով։

«Անասնաբուժական փաստաթղթերում հայտարարագրված ծիածանափայլ իշխանը ձևաբանական բնութագրերով չէր համապատասխանում ներմուծված ձկանը։ Այն ուներ այս տեսակի համար ոչ տիպիկ գունավորում և անբնականորեն մեծ էր՝ ավելի քան 5,5 կգ։ Սա ցույց է տալիս, որ ձուկը պատկանում է սաղմոնի այլ ընտանիքի կամ իշխանի մեկ այլ տեսակի, ինչը կեղծ ապրանքների նշան է։ Սաղմոնի բուծումն ու վաճառքն ավելի բնորոշ են եվրոպական երկրներում, և նման արտադրանքը կարող է ենթարկվել հատուկ տնտեսական միջոցառումների (պատժամիջոցների)», – հայտարարել է «Ռոսսելխոզնադզոր»-ը։

Ձեռք բերված պայմանավորվածություններից հետո, հայկական կողմի խնդրանքով, «Ռոսսելխոզնադզոր»-ը նախատեսում է ստուգել հանրապետությունում գործող բուսաբուծական ձեռնարկությունները՝ ապահովելու համար իսկապես հայկական և բուսասանիտարական առումով անվտանգ արտադրանքի մատակարարումը։

«Ռոսսելխոզնադզոր»-ի տարածքային գրասենյակն այժմ ուժեղացրել է Հայաստանից Ռուսաստան առաքվող կարանտինային արտադրանքի բուսասանիտարական վերահսկողությունը։