
Արամ Ա-ն կմեկնի Վատիկան
Մեծի Տանն Կիլիկիո կաթողիկոս Արամ Ա-ն քառօրյա այցով կմեկնի Վատիկան․ տեղեկացնում են կաթողիկոսարանից։
Վատիկանում նախատեսված է Վեհափառի հանդիպումը Հռոմի Լևոն 14-րդ պապի հետ։
Նախատեսված են հանդիպումներ նաև Վատիկանի արտաքին հարաբերությունների պատասխանատուի, միջեկեղեցական հարաբերությունների և արևելյան կաթոլիկ եկեղեցիների պատասխանատուների և այլ բարձրաստիճան հոգևորականների հետ։
Արամ Ա կաթողիկոսը դասախոսելու է նաև Վատիկանի արևելյան համալսարանում։
Վատիկանում Վեհափառին ուղեկցելու են 11 արքեպիսկոպոս և եպիսկոպոս։


