Չինաստանը և Ռուսաստանը պետք է խթանեն համաշխարհային կառավարման ավելի արդարացի համակարգի կառուցումը․ Ծինփինի հայտարարությունները՝ կետերով
Չինաստանում պաշտոնական այցով գտնվում է ՌԴ նախագահ Վլադիմիր Պուտինը, ով հանդիպում է ունեցել երկրի ղեկավար Սի Ծինփինի հետ։
Սի Ծինփինի հիմնական հայտարարությունները Պուտինի հետ հանդիպման ընթացքում․
- Խաղաղության և զարգացման ցանկությունը Ռուսաստանի և Չինաստանի ժողովուրդների կամքն է՝ լայնածավալ գերիշխանության և անկայունության պայմաններում։
- Մերձավոր Արևելքում իրավիճակը գտնվում է պատերազմի և խաղաղության միջև կարևորագույն խաչմերուկում։
- Ռուսաստանի և Չինաստանի միջև բարձրորակ ռազմավարական համակարգումը նպաստում է երկու երկրների վերածննդին և զարգացմանը։
- Ռուսաստանի և Չինաստանի միջև բարիդրացիական հարաբերությունների ու համագործակցության մասին պայմանագիրը գնալով ավելի կարևոր է դառնում միջազգային իրավիճակի վատթարացման պայմաններում։
- Չինաստանը և Ռուսաստանը պետք է խթանեն համաշխարհային կառավարման ավելի արդարացի համակարգի կառուցումը։
