ԱՄՆ-ն ողջունում է Ադրբեջանի հանձնառությունը Հարավային Կովկասում կայուն խաղաղության հասնելու հարցում․ Պետդեպ
ԱՄՆ պետդեպարտամենտը Միացյալ Նահանգների անունից շնորհավորել է Ադրբեջանի ժողովրդին Անկախության օրվա առթիվ։
«Անցած տարվա ընթացքում մենք մեր հարաբերությունները բարձրացրինք մինչև ռազմավարական գործընկերության, որի գագաթնակետն էր փոխնախագահ Ջեյ Դի Վենսի և նախագահ Իլհամ Ալիևի կողմից Բաքվում ռազմավարական գործընկերության խարտիայի ստորագրումը։ Մենք անհամբեր սպասում ենք մեր գործընկերության հետագա ամրապնդմանը՝ ընդլայնելով տարածաշրջանային հաղորդակցությունը, տնտեսական կապերը և անվտանգության ոլորտում համագործակցությունը։
Միացյալ Նահանգները ողջունում է Ադրբեջանի հանձնառությունը Հարավային Կովկասում կայուն խաղաղության հասնելու հարցում և անհամբեր սպասում է այս ջանքերի շրջանակում մեր համագործակցության շարունակմանը։ Մենք անհամբեր սպասում ենք մեր գործընկերության խորացմանը գալիք տարում և ապագայում», – նշվում է հայտարարությունում։
