Գորիսում քամուց ավերածություններ են գրանցվել
Գորիսում ուժեղ քամու հետևանքով ավերածություններ են գրանցվել. այս մասին հայտնում է «Առուշ Առուշանյան» դաշինքի ֆեյսբուքյան էջը։
«Ուժգին քամու հետևանքով գիշերը Գորիսում վնասվել են տանիքներ, մեքենաներ, էլեկտրասյուներ, էլեկտրական լարեր, ինչպես նաև պատուհաններ, արևային վահանակներ»,- նշված է հաղորդագրության մեջ։
Գորիսի համայնքապետարանում ստեղծված համապատասխան հանձնաժողովն արդեն այցելել է դեպքի վայրեր։ Հանձնաժողովի անդամներն արձանագրել են ավերածությունները, այժմ հաշվարկվում են վնասի չափերը:
