Հյուսիսային Կորեայի առաջնորդը կոչ է արել երկրի միջուկային զինանոցն ընդլայնել սրընթաց կերպով
Հյուսիսային Կորեայի առաջնորդ Կիմ Չեն Ընը կոչ է արել սրընթաց կերպով ընդլայնել երկրի միջուկային զինանոցը․ գրում է Reuters-ը՝ հղում անելով KCNA պետական լրատվական գործակալությանը։
Կիմ Չեն Ընը հայտարարությունն արել է միջուկային նյութերի արտադրության նոր բացված գործարան այցի ժամանակ։
Նա նշել է, որ զենքի համար նախատեսված միջուկային նյութերի արտադրական հզորությունը վերջին հինգ տարիների ընթացքում հասել է նախկին մակարդակի ավելի քան կրկնապատիկին։ Նա նաև հանձնարարել է էլ ավելի մեծացնել արտադրությունը՝ երկարաժամկետ ռազմավարական նպատակներին հասնելու համար։
