Ինչու է Ռազմական ոստիկանությունը սահմանային անցակետերում ծառայություն իրականացնում
ՀՀ պապտպանության նախարարությունից մեկնաբանել են, թե ինչու է Ռազմական ոստիկանությունը սահմանային անցակետերում ծառայություն իրականացնում։
«ՀՀ ՊՆ ռազմական ոստիկանությունը, «Ռազմական ոստիկանության մասին» օրենքով վերապահված լիազորությունների շրջանակում, իր առջև դրված խնդիրների կատարումն ապահովելու համար, ներառյալ ՀՀ սահմանային անցակետերում, իրականացնում է ծառայություն՝ նպատակ ունենալով աջակցել զինվորական կոմիսարիատներին՝ զինապարտ քաղաքացիներին զինվորական հաշվառման վերցնելու, պարտադիր զինվորական ծառայության զորակոչելու և պահեստազորային պատրաստության միջոցառումներին ներգրավելու գործընթացում»,- տեղեկացնում են ՊՆ-ից:
