Իրանում չեղարկվել են ներքին չվերթները, փակվել է արևմտյան օդային տարածքը

Իրանում չեղարկվել են բոլոր ներքին չվերթները․ գրում է Al Jazeera-ն՝ հղում անելով Mehr լրատվական գործակալությանը։

Նշվում է նաև, որ փակվել է երկրի արևմտյան օդային տարածքը։ Միջոցառումը կշարունակվի մինչև հետագա ծանուցում։

Հիշեցնենք, որ վերջին մի քանի ժամերի ընթացքում Իրանն ու Իսրայելը փոխադարձ ինտենսիվ հարձակումներ են իրականացրել։ Իրանի զինված ուժերը, սակայն, հայտարարել է, որ դադարեցնում է Իսրայելի դեմ ռազմական գործողությունները՝ զգուշացնելով, որ դրանք կվերսկսվեն, եթե Իսրայելը շարունակի իր ռազմական գործողությունները Լիբանանում։

Հղում անելով իսրայելցի բարձրաստիճան պաշտոնյայի՝ իսրայելական լրատվամիջոցները նշում են, որ Թել Ավիվը, Թրամփի խնդրանքով, նույնպես դադարեցնում է հարվածներն Իրանի դեմ։