Որոնողական աշխատանքները կշարունակվեն վաղն առավոտից

ՀՀ ներքին գործերի նախարարության փրկարար ծառայության հատուկ նշանակության փրկարարները երեկոյան ժամին՝ մութն ընկնելուց հետո, դադարեցրել են Վանաձոր քաղաքի Փամբակ գետում 7 և 13-ամյա քույրերի որոնողական աշխատանքները, որ վերսկսվել էին այսօր առավոտյան ժամը 08։00-ին․ գրում է shamshyan.com-ը։

«Որոնողական աշխատանքներին միացել էին ՀՆՓԱԿ-ի և Լոռու մարզային փրկարարական վարչության Վանաձորի, Սպիտակի, Ստեփանավանի, Տաշիրի, Թումանյանի, ինչպես նաև Տավուշի մարզային փրկարարական վարչության Իջևանի, Դիլիջանի, Բերդի, Նոյեմբերյանի հրշեջ փրկարարաներ, ոստիկանության համայնքային ոստիկանության գլխավոր վարչության Վանաձորի, Սպիտակի, Թումանյանի, մեծ թվով համայնքային ոստիկաններ»,- նշում է լրատվամիջոցը՝ հավելելով, որ որոնողական աշխատանքները կվերսկսվեն վաղը՝ հունիսի 17-ին, առավոտյան ժամը 08։00-ին։