Եվրահանձնաժողովը Google-ին տուգանել է 890 միլիոն եվրոյով

Եվրոպական հանձնաժողովը տուգանել է Google-ին 890 միլիոն եվրոյով (մոտավորապես 1 միլիարդ դոլար)՝ թվային շուկաների մասին օրենքի (DMA) երկու խախտման համար։

Ըստ Եվրոպական հանձնաժողովի կայքի՝ առաջին 460 միլիոն եվրո տուգանքը նշանակվել է Google որոնման համակարգում սեփական ծառայություններին նախապատվություն տալու համար։ Հանձնաժողովը պարզել է, որ Google-ը նախապատվություն է տվել իր սեփական արտադրանքներին՝ գնումներ, հյուրանոցներ, տրանսպորտ և սպորտային արդյունքներ՝ դրանք որոնման արդյունքներում մրցակիցներից վեր դասելով, մասնավորապես՝ առաջատար դիրքերում կամ բարելավված տեսողական տարրերով և ֆիլտրերով։

Երկրորդ՝ 430 միլիոն եվրո, տուգանքը կապված էր Google Play-ի սահմանափակումների հետ։

Ըստ Եվրոպական հանձնաժողովի՝ ընկերությունը խոչընդոտել է մշակողներին ազատորեն տեղեկացնել օգտատերերին կայքերում կամ այլ հավելվածների խանութներում այլընտրանքային և ավելի էժան գնման մեթոդների մասին և գանձել է չափազանց մեծ վճարներ նման սեղմումների համար։