Իտալիայում 4-ամյա տղան կերել է պանիր և 9 տարի կոմայի մեջ գտնվելուց հետո մահացել

Իտալիայում մահացել է Մատիա անունով 13-ամյա տղան, որը 9 տարի կոմայի մեջ է անցկացրել պանրից թունավորվելուց հետո։ Տղայի մահվան մասին հայտնել է նրա հայրը

Դեպքը տեղի է ունեցել 2017 թվականին Կորեդո քաղաքում (Տրենտո նահանգ)։ Չորսամյա տղան կերել է Escherichia coli բակտերիայով աղտոտված հում կաթից պատրաստված պանիր։

Պանիրն ուտելուց կարճ ժամանակ անց երեխայի մոտ որովայնի ուժեղ ցավեր են առաջացել, և նրա վիճակը կտրուկ վատացել է։

Հիվանդանոցում Մատիայի մոտ ախտորոշվել է հեմոլիտիկ-ուրեմիկ համախտանիշ, որը հանգեցրել է ուղեղի վնասվածքի, կաթվածահարության, կուրության և ծանր էպիլեպսիայի։ Տղան ընկել է կոմայի մեջ և այլևս գիտակցության չի եկել։