Եվրամիությունը պատժամիջոցներ է կիրառել Թաթարստանի նախագահի նկատմամբ՝ Ուկրաինայից երեխաներ «գողանալու» համար
Եվրամիությունը պատժամիջոցներ է կիրառել Թաթարստանի նախագահ Ռուստամ Միննիխանովի նկատմամբ՝ Ուկրաինայի պատերազմական գոտուց հանրապետությունում գտնվող ճամբարներ երեխաների տարհանմանը նպաստելու համար․ հայտնել է Եվրոպական խորհրդի մամուլի ծառայությունը։
Ընդհանուր առմամբ՝ պատժամիջոցներ են կիրառվել 10 անձի և 17 կազմակերպության նկատմամբ։
Պատժամիջոցները ներառում են ակտիվների վաճառքի և ԵՄ երկրներ մուտք գործելու կամ դրանցով տարանցիկ տեղաշարժի արգելք։
ԵՄ քաղաքացիներին և ընկերություններին նաև արգելվում է միջոցներ, ֆինանսական ակտիվներ կամ տնտեսական ռեսուրսներ տրամադրել պատժամիջոցների ենթարկված անձանց։
Ռուսաստանի իշխանությունները մերժում են արևմտյան երկրների պնդումները: Նախագահ Վլադիմիր Պուտինը նշել է, որ երեխաները չեն առևանգվել, այլ «փրկվել են, տարվել են պատերազմական գոտուց»:
«Մանկատները պետք է թողնեինք հրետանային կրակի տա՞կ», – հարցրել է նա:
