ՌԴ-ն հետաքրքրված է ԱՄՆ-ի հետ տնտեսական համագործակցությունը վերականգնելու հարցում․ Պուտին-Ուիթքոֆ հայտարարությունները՝ կետերով
Թրամփի հատուկ բանագնաց Սթիվ Ուիթքոֆը ժամանել է Ռուսաստան և հանդիպել Վլադիմիր Պուտինի հետ․ գրում է ՏԱՍՍ-ը։
Ներկայացնում ենք ՌԴ նախագահի հայտարարությունները՝ կետերով
- Պուտինը շնորհակալություն է հայտնել Թրամփին Ուկրաինայի կարգավորման հարցի նկատմամբ ուշադրության համար։
- Ռուսաստանի նախագահը նշել է, որ իրենց վերջին զրույցի ընթացքում Թրամփն ընդգծել է Ուկրաինայում հակամարտությունը դադարեցնելու անհրաժեշտությունը՝ մարդկային կորուստները կանխելու համար։
- Ռուսաստանի նախագահը հետաքրքրություն է հայտնել Միացյալ Նահանգների հետ տնտեսական համագործակցությունը վերականգնելու հարցում։
- Դիզելային վառելիքի վերաբերյալ որոշումից հետո համաշխարհային շուկաներում գները նվազել են 5-6%-ով։
- Ռուսաստանը կարող է մեծ քանակությամբ պարարտանյութ մատակարարել ամերիկյան շուկա։
- Հետաքրքրված եմ Իրանի շուրջ ստեղծված իրավիճակի գնահատականներով, և Ռուսաստանը պատրաստ է օգնել հակամարտության կարգավորմանը։
ԱՄՆ նախագահի հատուկ ներկայացուցչի հայտարարությունները՝ կետերով․
- Ուիթքոֆը հույս ունի, որ Պուտինը կքննարկի Ռուսաստան-ԱՄՆ-Ուկրաինա բանակցությունների վերսկսման հնարավորությունը, որի ժամանակ կարող են քննարկվել տեխնիկական հարցեր։
- Ռուսաստանն ու Միացյալ Նահանգներն ունեն տնտեսական հարաբերությունները զարգացնելու հեռանկարներ՝ Ուկրաինայում հակամարտության ավարտից հետո։
- Ուիթքոֆը հայտնել է, որ իր հետ բերել է փաստաթղթեր, որոնք ուրվագծում են ուկրաինական կարգավորման հարցի մոտեցումները։
- Ուիթքոֆը, Թրամփի անունից, շնորհակալություն է հայտնել Պուտինին «դիզելային գործարքի» վերաբերյալ որոշման համար։
- Ուկրաինական հակամարտությունում հրադադարի հասնելու հիմքեր (նախադրյալներ) կան։
