19 Նոյ
2026
10° c ԵՐԵՎԱՆ
11° c ՍՏԵՓԱՆԱԿԵՐՏ
ABCMEDIA
Պուտինն ամփոփել է Թրամփի և Ծինփինի հետ հանդիպումը. հանդիպման մանրամասները՝ կետերով

Պուտինն ամփոփել է Թրամփի և Ծինփինի հետ հանդիպումը. հանդիպման մանրամասները՝ կետերով

Թե ինչ կլինի հետո, ոչ ոք չգիտի, միայն Աստված․ ՌԴ նախագահ Վլադիմիր Պուտինն ամփոփել է ԱՄՆ նախագահ Դոնալդ Թրամփի և ՉԺՀ նախագահ Սի Ծինփինի հետ եռակողմ հանդիպման արդյունքները։ Ներկայացնում ենք Պուտինի հիմնական հայտարարությունները՝

  • Կցանկանայի, որ Չինաստանի և ԱՄՆ-ի առաջնորդների հետ եռակողմ հանդիպումները շարունակություն ունենան։
  • Սի Ծինփինի և Թրամփի հետ հանդիպումն «էջ է դիվանագիտության պատմության մեջ»։
  • Այս հանդիպումն օգտակար էր։ Քննարկումն ազատ էր և անկեղծ։
  • Եռակողմ հանդիպման արձանագրային մասից հետո սկսվել է կարծիքների ազատ փոխանակում։
  • Կողմերը քննարկել են ՄԱԿ-ի հնարավոր բարեփոխման հարցը։
  • ՄԱԿ-ի աշխատանքը պետք է հարմարեցվի այսօրվա իրականությանը։
  • Հանդիպման ժամանակ քննարկվել են անվտանգային հարցեր՝ բառի լայն իմաստով։
  • Ավելին, զրույցը շոշափել է միջուկային զենքի տարածման կանխարգելման հարցը։
  • Միացյալ Նահանգների ներքաղաքական իրավիճակը բարդ է՝ բազմաթիվ հակակշիռներով և գործիքներով՝ քաղաքական ուժերի հավասարակշռությունը պահպանելու համար։
  • Թրամփն անկեղծորեն ձգտում է լուծել ուկրաինական հակամարտությունը։Նա նաև ձգտում է վերականգնել Ռուսաստանի և Միացյալ Նահանգների միջև հարաբերությունները։
  • Միացյալ Նահանգների հետ հարաբերություններում ավելի լավ է ունենալ դժվար իրականացվող համաձայնագրեր, քան ընդհանրապես չունենալ դրանք։
  • Ռուսաստանի և Միացյալ Նահանգների նախագահները քաղաքակրթական արժեքների վերաբերյալ ընդհանուր մոտեցումներ ունեն։
  • Հանդիպման ժամանակ Սի Ծինփինի և Թրամփի հետ լիակատար փոխըմբռնում է եղել։
  • Հանդիպման ընթացքում անդրադարձ է եղել նաև ազատ նավարկության ապահովման հարցերին։
  • ԱՄՆ-ն առաջարկել է փոխզիջումներ Ուկրաինայի հարցում... Կիևը և Եվրոպան դեռևս չեն համաձայնել փոխզիջումների ուկրաինական կարգավորման հարցում, բայց կարող են հասնել դրան։

 

Ռազմագերիներ   Ռազմագերիներ