Իրանը հերքել է ամերիկյան ռազմաբազայի վրա հարձակման հետ կապը
Իրանը հերքել է Հորդանանում՝ Սիրիայի սահմանին ամերիկյան ռամաբազայի վրա հարձակման մեղադրանքները։
«Իրանը որևէ առնչություն չունի Հորդանանի և Սիրիայի սահմանին գտնվող ԱՄՆ ռազմաբազային անօդաչու թռչող սարքի միջոցով հասցված հարվածի հետ»,– ԻՐՆԱ գործակալությանը հայտնել է ՄԱԿ-ում Իրանի մշտական ներկայացուցիչը։
Հիշեցնենք՝ Հորդանանի տարածքում՝ Սիրիայի հետ սահմանից ոչ հեռու, անօդաչու թռչող սարքի հարվածի հետևանքով սպանվել է ԱՄՆ երեք զինծառայող։ ԱՄՆ նախագահ Ջո Բայդենն ասել է, որ հարվածը հասցրել են Իրանի աջակցությունը վայելող զինված խմբավորումները։
