Չիլիի Վալպարաիսո շրջանում անտառային հրդեհների հետևանքով զոհերի թիվը հասել է 112-ի. այս մասին, РИА Новости -ի փոխանցմամբ, հայտնել է ներքին գործերի փոխնախարար Մանուել Մոնսալվեն։
«Վերջին տվյալներով 112 մարդ է զոհվել», – ասել է Մոնսալվեն լրագրողների հետ հանդիպման ժամանակ։
Նա նշել է, որ մինչ այժմ իդենտիֆիկացվել է միայն 32 դի։
Չիլիի նախագահ Գաբրիել Բորիչը հրդեհների պատճառով փետրվարի 5-ից երկրում երկօրյա սուգ է հայտարարել։
Ավելի վաղ Բորիչը արտակարգ դրություն էր հայտարարել Վալպարաիսո շրջանում։
