Փաշինյանի հետ չեմ հաշտվել, շարունակելու եմ լինել ընդդիմադիր. Մուրադ Փափազյան

Փետրվարի 21-ին Ֆրանսիայում նախագահ Մակրոնի նախաձեռնությամբ հանդիպել են Նիկոլ Փաշինյանը և Ֆրանսիահայ կազմակերպությունների համակարգող խորհրդի համանախագահներ Մուրադ Փափազյանը և Արա Թորանյանը:

 

 

ABC Media-ի հետ զրույցում Մուրադ Փափազյանը հանդիպման մասին մանրամասներ հայտնեց` նշելով, որ Փաշինյանի հետ ուղիղ շփում չի ունեցել և չի հաշտվել։

 

 

«Զրույցի ավարտին նախագահ Մակրոնը մի կողմ էր առանձնացել Հայաստանի վարչապետի հետ, ինչից հետո ինձ տեղեկացրեց, որ Հայաստան վերադառնալու իմ իրավունքը վերականգնելու որոշումը ԱԱԾ-ն չի բողոքարկի։ Ես Նիկոլ Փաշինյանի հետ չեմ հաշտվել, ու շարունակում եմ մնալ ընդդիմադիր»,-ասաց Փափազյանը:

 

Հիշեցնենք, որ Մուրադ Փափազյանի ու սփյուռքահայ մի շարք այլ գործիչներ հայտնվել էին Հայաստանի համար անցանկալի անձանց ցուցակում և նրանց մուտքը երկիր արգելվել էր։ Մուրադ Փափազյանն ու Մասիս Աբրահամյանը բողոքարկել էին այս որոշումը, և դատարանը արգելքը վերացնելու որոշում էր կայացրել։

 

Մուրադ Փափազյանը ABC media-ին տեղեկացրեց, որ հանդիպման ընթացքում մյուս գործիչների մուտքի արգելքը վերացնելու հարցը չի քննարկվել։

 

Մարկոնի հետ հանդիպման մասին հաղորդագրություն էր տարածել նաև ՀՅԴ Բյուրոն։