Լևոն Արոնյանը դուրս է եկել շախմատի Ամերիկայի գավաթի կիսաեզրափակիչ

Հայազգի երկու շախմատիստներ` Լևոն Արոնյանը և Սամուել Սևյանը մասնակցում են «American Cup 2024» շախմատի մրցաշարին:

ԱՄՆ դրոշի ներքո հանդես եկող Լևոն Արոնյանը դուրս է եկել ԱՄՆ գավաթի խաղարկության կիսաեզրափակիչ, որտեղ մրցում է Ֆաբիանու Կարուանայի հետ: Երկու պարտիաներից հետո հաշիվը հավասար է` 1:1: Սամուել Սևյանը քառորդ եզրափակիչում դուրս է մնացել հետագա պայքարից:

Մարտի 12-ից 21-ը ԱՄՆ Սենթ Լուիսում անցկացվում է «American Cup 2024» շախմատի մրցաշարը: Մրցաշարի ընդհանուր մրցանակային ֆոնդը կազմում է 250,000 հազար դոլար: Մրցաշարին մասնակցում են նաև Ֆաբիանո Կարուանան, Ուեսլի Սոն, Լենիեր Դոմինգեսը, Ռեյ Ռոբսոնը, Սամուել Շանկլանդը և Գրիգորի Օպարինը։