19 Հնս
2024
ABCMEDIA
Մենք Ռուսաստանի դեմ պատերազմի մեջ չենք, Ուկրաինային ՆԱՏՕ-ի կազմ չենք ընդունել, որ ստիպված չլինենք ներգրավվել հակամարտությանը․ Իտալիայի ԱԳ նախարար

Մենք Ռուսաստանի դեմ պատերազմի մեջ չենք, Ուկրաինային ՆԱՏՕ-ի կազմ չենք ընդունել, որ ստիպված չլինենք ներգրավվել հակամարտությանը․ Իտալիայի ԱԳ նախարար

Իտալիայի  փոխվարչապետ և արտգործնախարար  Անտոնիո Տայանին հայտարարել է, որ ՆԱՏՕ-ում ոչ ոք երբեք չի խոսել Ուկրաինայի հակամարտությանն ուղղակի ներգրավվելու մասին՝ հասկանալով նման քայլի հետևանքները։

«ՆԱՏՕ-ում ոչ ոք երբեք չի խոսել ուղղակի ներգրավման մասին, մենք լավ գիտենք, թե ինչ հետևանքներ կարող է ունենալ դա,  գիտակցում ենք միջուկային էսկալացիայի  ռիսկը։ Ավելին ասեմ․ ՆԱՏՕ-ում որոշում է ընդունվել, որ Ուկրաինան դաշինքին կարող է միանալ միայն հակամարտությունն ավարտվելուց հետո, որովհետև եթե անհապաղ միանար, մենք ստիպված կլինեինք միջամտել՝ հարձակման ենթարկված դաշինքի երկրին պաշտպանելու համար»,- ասել է Տայանին՝ Corriere della Sera պարբերականին տված հարցազրույցում։

«Մենք հենց սկզբից Ուկրաինային օգնել ենք ֆինանսապես, ինչպես նաև զինամթերք ենք տրամադրել, բայց մենք Ռուսաստանի հետ պատերազմի մեջ չենք, այս հակամարտությունում մեր զինծառայողների ներգրավման մասին խոսք չի գնում»,- հավելել է Իտալիայի արտգործնախարարը։