Հայկական ընդդիմությունը մինչ օրս չի ունեցել այնպիսի առաջնորդ, ով կարող էր միավորել իրեն՝ Նիկոլ Փաշինյանին տապալելու իր ձգտումներում, գրել է Common Space.eu -ն։ «Դա կարող է փոխվել, եթե ի հայտ գա խարիզմատիկ և պոպուլիստական այլընտրանքով առաջնորդվող նոր քաղաքական ուժ:
Ընդդիմությունը հույս ունի, որ նման այլընտրանքային տարբրակ կարող է լինել Հայ առաքելական եկեղեցու Տավուշի թեմի արքեպիսկոպոս Բագրատ Գալստանյանը», – նշվել է հոդվածում։
Վերջերս իրականացված հարցման արդյունքներից պարզ է դառնում, որ Գալստանյանը հավաքել է 3,9 տոկոս աջակցություն՝ զիջելով միայն Փաշինյանին։ Ըստ հոդվածագրի՝ սա կարող է ցածր ցուցանիշ թվալ, սակայն նա նոր է հայտնվել որպես ազգայնական մրցակից: Գալստանյանը կարողացել է իր շուրջ համախմբել խորհրդարանական և արտախորհրդարանական տարբեր քաղաքական ուժերի: «Այնպիսի երկրում, ինչպիսին Հայաստանն է, որտեղ քաղաքական տարաձայնությունները խորն են, դա անիմաստ սխրանք չէ», – ընդգծել է հոդվածագիրը՝ շեշտելով, որ 2026 թ-ի խորհրդարանական ընտրությունների մոտենալուն զուգահեռ՝ Փաշինյանի վիճակը գնալով ավելի անորոշ է թվում:
