Վաղն առավոտյան` 10։30-ին, պայքարին միացած քաղաքացիներն ու Բագրատ Սրբազանը Սուրբ Աննա եկեղեցու բակում են հավաքվելու։
Սրբազանը եկեղեցու բակում հավաքի մասնակիցներից ասել է, որ առայժմ չի հրապարակի՝ որտեղ է գնալու։
«Վաղը՝ 10։30-ին, այստեղ եմ լինելու, գնալու եմ շատ կարևոր հանդիպման։ Հիմա չեմ ասի, թե ուր եմ գնալու։ Այսօր ասացինք՝ ուր ենք գնում, զորքերով պատած՝ եկան»,- ասել է Սրբազանը՝ հավելելով, որ պայքարը շարունակվելու է, այցելելու են նաև մարզեր, իսկ առաջիկա օրերին մեծ հանրահավաք է տեղի ունենալու։
Սրբազանի խոսքով՝ այս ընթացքում գնալու են Վարդենիս, Սյունիք:
«Որովհետև այդ տրամաբանական գիծն է ամբողջ գնում: Պետք է մարդկանց իսկապես ցույց տանք, որ սա անընդունելի է։ Մենք անակնկալ ունենք օրը՝ երեկոյան, կասեմ՝ ինչ ենք անելու, եթե գաք, ընտիր, շատ ընտիր կլինի»,- ասել է Սրբազանը:
