Ղրղզստանում երկրաշարժ է տեղի ունեցել

Ղրղզստանի հյուսիսում գտնվող Թալասի շրջանում 4,5 մագնիտուդ ուժգնությամբ երկրաշարժ է տեղի ունեցել. հայտնում է երկրի սեյսմիկ պաշտպանության կենտրոնը։

Երկրաշարժի օջախը գտնվել է Ղրղզստանի տարածքում՝ Յնտիմակ գյուղից 20 կմ հարավ, Թալաս շրջկենտրոնից 28 կմ հեռավորության վրա։

Երկրաշարժն զգացվել է Մադանիաթ, Յնտիմակ, Կոզուչակ բնակավայրերում՝ 3 բալ, Աթայ Օգոնբաևա, Կալբա, Կում-Արիկ, Օզգերյուշ բնակավայրերում և Թալաս քաղաքում՝ 2,5 բալ ուժգնությամբ։