Իրանի գերագույն առաջնորդ
այաթոլլահ Ալի Խամենեին ասել է, որ Պաղեստինի ժողովրդին օգնելն իսլամական աշխարհի
յուրաքանչյուր մարդու պարտքն է։ Այաթոլլահ Խամենեին այս հայտարարությունն արել է Նիգերիայի
իսլամական շարժման առաջնորդ Շեյխ Իբրահիմ Զաքզաքիի հետ հանդիպմանը, գրում է Mehr գործակալությունը:
«Մեկնաբանելով իսրայելական ռեժիմի դեմ պաղեստինյան դիմադրության ուժերի կողմից «Ալ-Աքսայի
հարձակում» օպերացիան՝ նա ասել է, որ այսօր իսլամի հզորության դրսևորումներից մեկն
այն խնդիրներն են, որոնք տեղի են ունենում Պաղեստինում։
Ափսոսանք հայտնելով իսրայելական ռեժիմի հանցագործություններից
պաղեստինցիների կրած տառապանքների համար՝ առաջնորդն ասել է, որ պաղեստինցիների հակասիոնիստական
շարժումները կհանգեցնեն նրանց լիակատար հաղթանակին»,- գրում է իրանական լրատվամիջոցը։
