Լիբանանի ժողովուրդը երբեք չի հանձնվի Իսրայելի դեմ պայքարում. «Հըզբոլլահ» շարժման առաջնորդ
Լիբանանական «Հըզբոլլահ» կուսակցության գլխավոր քարտուղար շեյխ Նաիմ Քասեմը հանդես է եկել ուղերձով:
Նա հայտարարել է, որ Լիբանանի ժողովուրդը երբեք չի հանձնվի Իսրայելի դեմ պայքարում՝ հավելելով, որ «Հըզբոլլահը» մերժում է Իսրայելի հետ հարաբերությունների կարգավորման հնարավորությունը, քանի որ դա նվաստացում կնշանակեր շարժման համար:
«Սպառնալիքները մեզ չեն ստիպի հանձնվել. անընդունելի ենք համարում զենքից հրաժարվելը կամ մեր դիրքորոշումը մեղմացնելը, քանի դեռ ագրեսիան շարունակվում է», – ասել է նա։
Քասեմը ընդգծեց, որ Իսրայելը պետք է դուրս բերի իր զորքերը Լիբանանից, դադարեցնի ագրեսիան երկրի նկատմամբ և ազատ արձակի գերիներին:
Նա նաև մեղադրել է Իսրայելին հրադադարի մասին համաձայնությունը խախտելու համար:
