Կրակոցներ՝ Փարիզի երկաթուղային կայարանում․զինված տղամարդը վնասազերծվել է
Փարիզի Մոնպառնասի երկաթուղային կայարանում ոստիկանությունը կրակ է բացել զինված տղամարդու վրա․ գրում է Reuters-ը։
Միջադեպը տեղի է ունեցել նոյեմբերի 14-ի երեկոյան։ Իրավապահ մարմինների աշխատակիցները վնասազերծել են տղամարդուն, որը դանակով սպառնացել է ուղևորներին և հրաժարվել է կատարել ոստիկանության հրամանները։
Ոստիկանության աղբյուրի համաձայն՝ նա դանակով սպառնացել է կնոջն ու երեխաներին, իսկ երբ ոստիկանությունը նրան կանգնեցրել է, նա սպառնացել է ինքնասպան լինել։ Ոստիկանները կրակել են տղամարդու ոտքին։
Կայարանի տարածքը լիովին տարհանվել է, իսկ շրջակա տարածքը՝ շրջափակվել անվտանգության նկատառումներով։
