ՀՀ-ում հասարակական կարծիքը արտացոլում է այս ընտրություններում առկա բարդ քաղաքական և տնտեսական նկատառումները․ The Soufan Center
Վերջին տարիներին Հայաստանն աստիճանաբար ավելի կարևոր է դառնում Եվրոպայի համար՝ իր աշխարհաքաղաքական դիրքի, Իրանին մոտ լինելու և Ռուսաստանի հետ ընդլայնվող մրցակցության մեջ իր դերի շնորհիվ․ գրել է The Soufan Center-ը։
ՀՀ-ում կայանալիք առաջիկա խորհրդարանական ընտրությունները կարևոր են ոչ միայն Երևանի, այլև ավելի ու ավելի Բրյուսելի համար։ Հայաստանը դարձել է Եվրոպայի համար ռազմավարական գործընկեր մի տարածաշրջանում, որը ծառայում է որպես կարևոր էներգետիկ միջանցք և շրջանցում է Ռուսաստանի և Իրանի կողմից վերահսկվող կամ ազդեցիկ ուղիները:
Թուրքիայի և Ադրբեջանի հետ հարաբերությունների կարգավորման ուղղությամբ Հայաստանի քայլերը ևս ուժեղացրել են Եվրոպայի ուշադրությունը։
Հայաստանի անվտանգության հետ կապված մտահոգությունները սուր են Ադրբեջանի հետ տարիներ շարունակ ունեցած հակամարտությունից հետո: Նրա ԵՄ-ի նկատմամբ հակումը ավելի շատ պայմանավորված է այս մտահոգություններով, քան ԵՄ-ին լիարժեք ինտեգրման կենտրոնացված նպատակով։
Հայաստանում հասարակական կարծիքը նաև արտացոլում է այս ընտրություններում առկա բարդ քաղաքական և տնտեսական նկատառումները: Չնայած շատ հայեր դրական են տրամադրված Եվրոպայի նկատմամբ, նրանք շարունակում են գիտակցել երկրի տնտեսական կախվածությունը Ռուսաստանից: Արդյունքում՝ հանրության մեծ մասը, կարծես, կողմ է զգույշ հավասարակշռման ռազմավարությանը՝ ԵՄ-ի հետ կապերի խորացում՝ առանց Մոսկվայի հետ խզում հրահրելու, որը կարող է անմիջական հետևանքներ ունենալ Հայաստանի տնտեսության, էներգետիկ անվտանգության կամ տարածաշրջանային կայունության համար։
Միևնույն ժամանակ, Փաշինյանը մնում է բևեռացնող դեմք հայկական քաղաքականության մեջ: Նրա Ադրբեջանի և Թուրքիայի նկատմամբ նորմալացման քաղաքականությունը սուր քննադատության է արժանացել հակառակորդների կողմից, որոնք պնդում են, որ նա չափազանց շատ բան է զիջել խաղաղության անվան տակ։ Քաղաքացիների, այդ թվում՝ տեղահանված հայերի հետ լարված փոխանակումների տեսանյութերը տարածվել են սոցիալական ցանցերում:
Freedom House-ը նշել է, որ կոռուպցիայի դեմ պայքարի հաջողված հետապնդումները հազվադեպ են եղել։ Կառույցը մտահոգություն է հայտնել դատական համակարգի անկախության վերաբերյալ:
Ինչպես նշել է վերլուծաբան Թոմաս դե Վաալը ԵՄ-ը պետք է զգույշ լինի Փաշինյանին և նրա կուսակցությանն աջակցելու հարցում:
