Խաղաղություն՝ զիջումների գնով․ Բաքուն և Երևանը դեռ պետք է վերապրեն սեպտեմբերը․ EADaily
Հայաստանի ղեկավարությունը կայուն կարծիք ունի Արցախյան 44-օրյա պատերազմից հետո Մոսկվայի և Բաքվի «չափազանց» մերձեցման մասին։ Դա, ըստ նրանց, չի նպաստում, որ ռուս գործընկերները ունենան չեզոք դիրքորոշում․ գրել է EADaily-ին։
«Փաշինյանը վախենում է ռուս-ադրբեջանական համատեղ ճնշումներից Երևանի վրա, ինչը նրանից կպահանջի բանակցություններում գնալ նոր զիջումների։ Թե որքանով են օբյեկտիվ նման մտահոգությունները Հայաստանի վարչապետի կողմից, առանձին հարց է»,-գրել է կայքը։
Բաքվի հետ ուղղակիորեն բանակցելու Հայաստանի ղեկավարության մտադրության համատեքստում՝ Ադրբեջանի ղեկավարի ուղերձը հանգում է հետևյալին. «խաղաղություն՝ անվերջ զիջումների դիմաց»։
Փաշինյանի ուղերձը Ալիևին ակնհայտ է՝ չսրելու իրավիճակը տարածաշրջանում մինչև COP29-ի գագաթնաժողովը, թեև նման զգայուն բանակցային փուլում Ադրբեջանի իշխանությունների նման վերաբերմունքը քիչ հավանական է թվում։ Այսպես թե այնպես, Երևանն ու Բաքուն դեռ պետք է վերապրեն սեպտեմբերը, որը հետպատերազմյան շրջանում սահմանին համեմատաբար մեծ սրացումների շարան էր։ Իսկ հետո շարունակել փոխընդունելի խաղաղության որոնումները, որի ձեռքբերումն անընդհատ հետաձգվում է։
