Ղուկասյանը հիանալի հասկանում էր, որ իրեն կարող են թույլ չտալ խաղաղ աշխատել, և նա պատրաստ էր իրադարձությունների նման շրջադարձի․ ՌԴ պատգամավոր
Գյումրու քաղաքապետ Վարդան Ղուկասյանը Հայաստանի ամենահարգված քաղաքական գործիչներից մեկն է։ Այս մասին Свободная Пресса-ի հետ զրույցում նշել ՌԴ Պետդումայի պատգամավոր, ԱՊՀ հարցերով, եվրասիական ինտեգրման և հայրենակիցների հետ կապերի գծով առաջին փոխնախագահ Կազբեկ Տայսաևը։ Նրա խոսքով՝ Ղուկասյանը հայամետ գործիչ է, ով շատ բան է արել Գյումրու և նրա բնակիչների համար։ Ահա թե ինչու է ժողովուրդը քվեարկել նրա օգտին ընտրություններում և դուրս եկել նրան աջակցելու ձերբակալության ժամանակ։
Պատգամավորի խոսքով՝ ընտրությունից հետո Ղուկասյանը հիանալի հասկանում էր, որ իրեն կարող են թույլ չտալ խաղաղ աշխատել, և նա պատրաստ էր իրադարձությունների նման շրջադարձի։ «Հետևաբար, ինչպես շատերը տեսան, նա ինքը խնդրեց ժողովրդին չմիջամտել, մի կողմ քաշվել և կամավոր մեկնեց Երևան: Սա շատ համարձակ քայլ է, որը հստակորեն բնութագրում է Վարդանին որպես անձնավորություն և որպես քաղաքական գործիչ», – նշել է Տայսաևը:
Անդրադառնալով հարցին, թե արդյոք կան Ռուսաստանի և Հայաստանի միջև մերձեցման հակառակորդներ, քաղաքական գործիչը նշել է․ «Հարավային Կովկասում դիվանագետների քանակով ամենամեծ ԱՄՆ դեսպանատունը գտնվում է Երևանում. այնտեղ աշխատում է 2500 մարդ: Ի՞նչ են անում այս մարդիկ: Նրանք զբաղվում են տարբեր հարցերով, բայց նրանց հիմնական նպատակը Ամերիկայի ազդեցությունը Հայաստանում ամրապնդելն ու այն Ռուսաստանից հեռացնելն է: Իհարկե, մեր հարաբերությունների ապագան Հայաստանի և Ռուսաստանի ժողովուրդների որոշելիքն է: Մենք իրավունք չունենք միջամտելու հանրապետության ներքին գործերին, բայց մենք կցանկանայինք, որ ամերիկացիները նույնպես հիշեն միջամտության անթույլատրելիության մասին: Այնուամենայնիվ, մենք պատմական շահեր ունենք այս հսկայական տարածաշրջանում, բայց ի՞նչ ունի Վաշինգտոնը: Եվ որտե՞ղ է Ռուսաստանը, և որտե՞ղ է Միացյալ Նահանգները»: Պատգամավորը հավելել է, որ Ռուսաստանը վճռական ներդրում է ունենում ՀՀ-ի տնտեսական առաջընթացում։
Նա նաև ընդգծել է, որ ՌԴ-ն ներկայումս աշխատում է «3+3» ձևաչափի վրա։ Ռազմավարական առումով՝ «3+3» ձևաչափը խոստումնալից հարթակ է տարածաշրջանային անվտանգության, տնտեսական կայունության և միջազգային սպառնալիքների դեմ պայքարի նման հրատապ խնդիրների լուծման համար՝ առանց արտաքին դերակատարների ներգրավման։
«Ես վստահ եմ, որ այս ձևաչափը կզարգանա: Մենք կարող ենք ուժեղ լինել միայն միասին»- եզրափակել է Տայսաևը։
