Պուտինն ու Թրամփը քննարկել են Ուկրաինան, երկկողմ հարաբերություններն ու Իրանը
ՌԴ նախագահ Վլադիմիր Պուտինը հեռախոսով խոսել է իր ամերիկացի գործընկեր Դոնալդ Թրամփի հետ․ TACC-ի փոխանցմամբ՝ այս մասին հայտնել է Ռուսաստանի նախագահի օգնական Յուրի Ուշակովը։
Նրա խոսքով՝ Պուտինի և Թրամփի զրույցը «գործնական էր և շատ կառուցողական», ինչը թույլ է տվել քննարկել երկկողմ և միջազգային հարցեր։ Զրույցը տևել է 1 ժամ 25 րոպե։
Թե ինչ են քննարկել կողմերն՝ ըստ Ուշակովի, ներկայացնում ենք ստորև․
- Պուտինն անձամբ հեռախոսով շնորհավորել է Թրամփին և ամերիկյան ժողովրդին ԱՄՆ անկախության 250-ամյակի կապակցությամբ․ Անկախության օրվա կապակցությամբ Թրամփին ուղղված շնորհավորական ուղերձում Ռուսաստանի նախագահը հիշել է Ռուսաստանի ներդրումը ամերիկյան պետականության զարգացման գործում։
- Պուտինը վերահաստատել է Ռուսաստան այցելելու իր հրավերը։
- Թրամփը նշել է ուկրաինական հակամարտությունը հնարավորինս արագ լուծելու անհրաժեշտության մասին՝ Ռուսաստանի և ԱՄՆ-ի միջև տնտեսական համագործակցության ներուժը իրացնելու համար։
- Պուտինը և Թրամփը պայմանավորվել են կապի մեջ մնալ և շուտով կրկին հեռախոսազրույց ունենալ։
- Պուտինը և Թրամփը իրենց զրույցում նշել են, որ Ռուսաստանի և Միացյալ Նահանգների ժողովուրդները երբեք չեն մոռանա իրենց դաշինքը Երկրորդ համաշխարհային պատերազմի ժամանակ։
- Քննարկվել է Ուկրաինայի շուրջ հակամարտությունը․ ԱՄՆ նախագահը հաստատել է պատրաստակամությունը նպաստելու խաղաղ լուծումների որոնմանը։
- Պուտինը և Թրամփը ընդգծել են Ռուսաստանի և ԱՄՆ-ի միջև ռազմաքաղաքական և տնտեսական հարցերի շուրջ շփումների շարունակականության կարևորությունը։
- Պուտինը հույս է հայտնել, որ հուշագրի հիման վրա մեկնարկած ԱՄՆ-Իրան բանակցությունները կօգնեն գտնել երկարաժամկետ լուծումներ առանցքային հարցերի շուրջ։
