Ամռանը ուկրաինացի զինվորականները կկարողանան օդ բարձրացնել միայն վեց F-16 կործանիչ, հաղորդում է The New York Times-ը։
«Մինչև ուկրաինացի օդաչուները վերադառնան Ուկրաինա, եվրոպացի դաշնակիցների կողմից խոստացված 45 F-16 կործանիչներից միայն վեցը կմատակարարվեն»,- ասված է հրապարակման մեջ։
Մինչև ամառ ինքնաթիռ օգտագործելու համար կվերապատրաստվի 12 ուկրաինացի օդաչու, որոնք նույնիսկ ամբողջական ավիացիոն էսկադրիլիա չեն կազմում։
Ավելի վաղ Politico-ն հայտնել էր, որ Ուկրաինայում F-16 կործանիչները կդառնան ռուս զինվորականների գլխավոր թիրախը և խնդիրներ կստեղծեն հենց ուկրաինացիների համար:
