Վարարած Դեբեդը նորից է քանդել Քարկոփի կամուրջը
Ալավերդու ջրհեղեղից տուժած Քարկոփ բնակավայրը, որ օրեր առաջ միջպետական ճանապարհին էր կապվել հետիոտնային ժամանակավոր կամրջով, կրկին կտրվել է արտաքին աշխարհից։ Դեբեդը քշել է կամուրջը։
Ականատեսի փոխանցմամբ՝ վարարած Դեբեդն իր հետ նաեւ ծառեր է բերել, որոնք հարվածել են կամրջին ու տեղաշարժել այն։ Քարկոփ հասնելու համար հիմա 20 կմ երկարությամբ միայն մեկ ճանապարհ կա, որն անցնում է հարևան Ախթալայի ու հարակից բնակավայրերի միջով։ Մյուսը երկթագիծն է, որի երկայնքով անհրաժեշտ է քայլել 4 կիլոմետր։
