Սերժ Սարգսյանն չի մասնակցի իր գործով դատական նիստերին
Հակակոռուպցիոն դատարանը բավարարել է ՀՀ երրորդ նախագահ Սերժ Սարգսյանի պաշտպանների միջնորդությունը՝ թույլ տալով, որ քննվող քրեական գործով հետագա դատական նիստերը շարունակվեն առանց նրա պարտադիր ներկայության։ Նույն որոշումը դատարանն ընդունել է նաև գործով անցնող «Ֆլեշ» ընկերության սեփականատեր Բարսեղ Բեգլարյանի վերաբերյալ։
Պաշտպանական կողմը դատարանում նշել է, որ Սերժ Սարգսյանի շահերը կարող են լիարժեք ներկայացվել նրա պաշտպաններն, ուստի նրա անձնական մասնակցությունը գրավոր ապացույցների ուսումնասիրման փուլում անհրաժեշտ չէ։ Մեղադրող կողմը չի առարկել ներկայացված միջնորդությանը։
Դատարանի որոշմամբ՝ Սերժ Սարգսյանն ու Բարսեղ Բեգլարյանը կարող են չմասնակցել գրավոր ապացույցների ուսումնասիրման ընթացքում անցկացվող նիստերին։ Միաժամանակ նշվել է, որ եթե հետագայում դրա անհրաժեշտությունը լինի, դատարանը կարող է նրանց մասնակցությունը կրկին պարտադիր ճանաչել։
Գործով հաջորդ դատական նիստերը նշանակվել են սեպտեմբերի 10-ին և հոկտեմբերի 6-ին։
