Ոստիկանները, բիրտ ուժ կիրառելով, բերման են ենթարկել Կիրանցում հերթապահող մարդկանց
Ոստիկանական ուժերը, բիրտ ուժ կիրառելով, բերման են ենթարկել Կիրանց գյուղում հերթապահող տղաներին։ Այս մասին ABC media-ին տեղեկացրել է ՀՀ ԱԺ պատգամավոր Գառնիկ Դանիելյանը։
«Առավոտյան ոստիկանները 24 հոգուց ավելի տղաների են բերման ենթարկել։ Եկել են բերետավորներն ու, առանց բացատրություն տալու, ծեծելով, ջարդելով տարել են»,-ասել է Դանիելյանը։
Պատգամավորը նշել է, որ բերման ենթարկվածների մեջ կան նաև անչափահասներ։ Պատգամավորն այս պահին գտնվում է Իջևանի ոստիկանական բաժանմունքում, որտեղ տարել են բերման ենթարկվածներին։
