ՌԴ նախագահն ու Իսրայելի վարչապետը հեռախոսազրույց են ունեցել

Ռուսաստանի նախագահ Վլադիմիր Պուտինը և Իսրայելի վարչապետ Բենյամին Նեթանյահուն հեռախոսազրույց են ունեցել․ գրում է РИА Новости-ն՝ հղում տալով Պուտինի մամուլի քարտուղար Դմիտրի Պեսկովին։

Երկու առաջնորդների միջև վերջին զրույցը տեղի է ունեցել հուլիսի 28-ին։ Այդ ժամանակ նրանք քննարկել են Մերձավոր Արևելքում ստեղծված իրավիճակը։ Ռուսաստանի առաջնորդը հաստատել է, որ Մոսկվան հետևողականորեն կողմ է տարածաշրջանում հակամարտությունների խաղաղ կարգավորմանը։

Նա նաև հայտարարել է իր պատրաստակամության մասին՝ նպաստելու Իրանի միջուկային ծրագրի շուրջ բանակցություններին։