Պուտինը ժամանել է Չինաստան
Ռուսաստանի նախագահ Վլադիմիր Պուտինը երկօրյա պաշտոնական այցով ժամանել է Չինաստան․ հաղորդում է РИА Новости-ն։
Պեկինի օդանավակայանում նախագահին դիմավորել է Չինաստանի ԱԳ նախարար Վան Ին։ Տեղի է ունեցել դիմավորման պաշտոնական արարողություն՝ պատվո պահակախմբի և երեխաների մասնակցությամբ։
Սպասվում է, որ վաղը Պուտինը և Չինաստանի նախագահ Սի Ծինփինը բանակցություններ կանցկացնեն նեղ կազմով, ինչին կհաջորդի ընդլայնված կազմով հանդիպում՝ պատվիրակությունների մասնակցությամբ։ Առաջնորդները կքննարկեն երկկողմ հարաբերություններին առնչվող հարցեր և կարծիքներ կփոխանակեն միջազգային և տարածաշրջանային հարցերի շուրջ։
