Եվգենի Պետրոսյանը ներքին արյունահոսությամբ տեղափոխվել է վերակենդանացման բաժանմունք

Հումորիստ և հեռուստահաղորդավար, Ռուսաստանի ժողովրդական արտիստ Եվգենի Պետրոսյանը ստամոքսաղիքային արյունահոսությամբ տեղափոխվել է մոսկովյան հիվանդանոց և ծանր վիճակում է․ հայտնում է РЕН ТВ-ն՝ հղում անելով սեփական աղբյուրին։

«Բժիշկներին կանչել են հարազատները, նրան տեղափոխել են հիվանդանոց։ Պետրոսյանը գտնվում է վերակենդանացման բաժանմունքում։ Բժիշկները փորձում են կայունացնել նրա վիճակը՝ հիվանդին վիրահատելու համար»,- ասվում է հաղորդագրության մեջ։