ԱՄՆ-ի Կալիֆոռնիա նահանգում ինքնաթիռ է վթարվել․ կան զոհեր (լուսանկարներ, տեսանյութ)

ԱՄՆ-ի Կալիֆոռնիա նահանգի Սան Դիեգո քաղաքի օդանավակայանի մոտակայքում ինքնաթիռ է վթարի ենթարկվել, կան զոհեր․ հաղորդում է NBC News-ը։

Ինքնաթիռը կործանվել է Սան Դիեգոյի ռազմական բնակելի թաղամասում, վթարի հետևանքով զոհվել է ինքնաթիռում գտնվող մի քանի մարդ։

Դեպքի վայրում լրագրողների հետ զրույցում Սան Դիեգոյի հրշեջ-փրկարար ծառայության փոխտնօրեն Դեն Էդին հայտնել է, որ ինքնաթիռը բախվել է շուրջ 15 տների՝ դառնալով խոշոր հրդեհի պատճառ։