Նա պետք է բժշկի դիմի․ Թրամփը Թունբերգին խելագար է անվանել
Շվեդ ակտիվիստ Գրետա Թունբերգը խելագար է․ ինչպես գրում է The Times of Israel–ը, Սպիտակ տանը լրագրողների հետ զրույցում ասել է ԱՄՆ նախագահ Դոնալդ Թրամփը։
«Նա խնդրահարույց է և զայրույթը կառավարելու խնդիրներ ունի։ Կարծում եմ՝ նա պետք է բժշկի դիմի», – ասել է ԱՄՆ նախագահը։
Հոկտեմբերի 3-ին Իսրայելի պաշտպանության բանակը վերահսկողություն էր հաստատել Գազա ուղևորվող «Սումուդ» նավատորմի 42 նավերի նկատմամբ, որոնց վրա էր գտնվում Թունբերգը։
Հոկտեմբերի 6-ին ակտիվիստուհուն և «Դիմադրության նավատորմի» տասնյակ այլ անդամների Իսրայելն արտաքսել է Հունաստան և Սլովակիա:
