Կենտրոնում և Արաբկիրում նախորդ շաբաթ օդը եղել է թույլատրելիից փոշոտ
Հիդրոօդերևութաբանության և մոնիթորինգի կենտրոնը ներկայացրել է Երևանում մթնոլորտային օդի որակը հոկտեմբերի 22-28-ը։
«Փոշու պարունակությունը գերազանցել է սահմանային թույլատրելի կոնցենտրացիան Կենտրոն և Արաբկիր վարչական շրջաններում։
Ազոտի երկօքսիդի պարունակությունը գերազանցել է սահմանային թույլատրելի կոնցենտրացիան Նոր Նորք, Արաբկիր, Շենգավիթ և Կենտրոն վարչական շրջաններում։ Ծծմբի երկօքսիդի պարունակությունը վարչական որևէ շրջանում չի գերազանցել սահմանային թույլատրելի կոնցենտրացիան»,- տեղեկացնում են կենտրոնից։
