«Աղոթքի նախաճաշի» մասնակիցները վաղը կհանդիպեն Վեհափառի հետ
«Աղոթքի նախաճաշ» նախաձեռնության անդամները վաղը կայցելեն Մայր Աթոռ։ Նրանք Ամենայն Հայոց Կաթողիկոսի հետ հանդիպելու ցանկություն են հայտնել․ ABC Media-ին հայտնել են Մայր Աթոռից։
«Նրանք ցանկություն են հայտնել փոքրիկ խմբով հանդիպել Վեհափառի հետ, Վեհափառն էլ նրանց ընդունելու է»,- ասել է Տեր Եսայի քահանա Արթենյանը։
Հիշեցնենք, որ այսօր՝ նոյեմբերի 14-ին, մեկնարկել է «Աղոթքի նախաճաշ» նախաձեռնությունը, որի ընթացքում նախատեսվում է քննարկել ինչպես կրոնական, այնպես էլ այլ հարցեր։
Ավելի վաղ Մայր Աթոռից ABC Media-ին հայտնել էին, որ իրենք տեղյակ չեն եղել նախաճաշի ու դրա բովանդակության մասին։
Նախաճաշին մասնակցում է նաև Նիկոլ Փաշինյանը։ Ըստ բաց աղբյուրների՝ դրան մասնակցում են շուրջ 300 հոգի՝ տարբեր երկրներից։
