Արագածոտնում մարդատար ավտոբուսը բախվել է 2 մեքենայի, կա 10 վիրավոր

Այսօր՝ նոյեմբերի 15-ին, խոշոր ավտովթար է տեղի ունեցել Արագածոտնի մարզում․ գրում է shamshyan.com-ը։

«Ժամը 19։15-ի սահմաններում Ոսկեվազ և Ագարակ գյուղերի խաչմերուկում բախվել են մարդատար ավտոբուսը, «Infiniti» մակնիշի և «Լադա» մակնիշի ավտոմեքենաները։ Վթարի հետևանքով 10 քաղաքացի մարմնական տարբեր աստիճանի վնասվածքներով տեղափոխվել է «Աշտարակ» բժշկական կենտրոն։

Վթարի փաստով նախաձեռնվել է քրեական վարույթ, պարզվում են վարորդների և վիրավորների ինքնությունը»,- նշում է լրատվամիջոցը։