04 Մրտ
2024
2° c ԵՐԵՎԱՆ
-3.6° c ՍՏԵՓԱՆԱԿԵՐՏ
ABCMEDIA
9-րդ դասարանում «Գրականությունից» և «Հայոց պատմությունից» ավարտական քննությունները կանցկացվեն էսսեի միջոցով. ԿԳՄՍՆ

9-րդ դասարանում «Գրականությունից» և «Հայոց պատմությունից» ավարտական քննությունները կանցկացվեն էսսեի միջոցով. ԿԳՄՍՆ

Նոր չափորոշչի կարևոր բաղադրիչ է նախագծային ուսուցումը, որի ներդրման արդյունավետությունը սովորողների մոտ առավել կդրսևորվի հատկապես բնագիտական ուղղությունների ավարտական քննությունների ընթացքում։ Այս մասին հայտնել են ԿԳՄՍ նախարարությունից։

9-րդ դասարանի ավարտական քննությունները «Գրականություն» և «Հայոց պատմություն» առարկաներից կանցկացվեն գրավոր՝ էսսեի միջոցով, որը ինքնուրույն մտածելու, վերլուծություններ անելու կարողության դրսևորում կլինի:

Բնագիտական առարկաների դեպքում սովորողը կունենա ընտրելու հնարավորություն՝ թեստ կամ նախագիծ: Նախագծային աշխատանքը պետք է իրականացվի առնվազն երկու բնագիտական առարկայից: Մյուս առարկաների դեպքում թեստերի միջոցով քննական գործընթացի մեխանիզմը պահպանվում է, սակայն կփոխվի առաջադրանքների բնույթը՝ դրանք համահունչ դարձնելով միջազգային ստուգատեսի թեստերի բովանդակությանը:

12-րդ դասարանում պետական ավարտական քննություններն իրականացվելու են թեստային եղանակով, որոնց բովանդակությունը համահունչ կլինի միջազգային ստուգատեսի թեստերի բովանդակությանը։