ԱՄՆ-ն մտադիր է շարունակել դրդել աշխարհի երկրներին աջակցել Ուկրաինային և ճնշում գործադրել ՌԴ-ի վրա․ Բլինքեն
Շվեդիան շուտով կմիանա ՆԱՏՕ-ին, ինչը կնպաստի դաշինքի ներուժի ամրապնդմանը.
այս մասին Պետդեպում տարեվերջյան մամուլի ասուլիսի ժամանակ հայտարարել է ԱՄՆ պետքարտուղար
Էնթոնի Բլինքենը։
Բլինքենի խոսքով՝ Հյուսիսատլանտյան դաշինքը 2023 թվականին
ավելի մեծ և հզոր է դարձել։
«Այս տարի ՆԱՏՕ-ին է միացել 31-րդ անդամը՝ Ֆինլանդիան, իսկ շուտով
կմիանա Շվեդիան, ինչը կամրապնդի պաշտպանական դաշինքի հնարավորությունները և կմեծացնի
ներուժը»,- ասել է ԱՄՆ պետքարտուղարը։
Միևնույն ժամանակ նա նշել է, որ Ռուսաստանը թուլացել է ռազմական,
տնտեսական և դիվանագիտական առումով։ Ըստ Բլինքենի՝ Միացյալ Նահանգները մտադիր է շարունակել
դրդել աշխարհի երկրներին աջակցել Ուկրաինային և ճնշում գործադրել Ռուսաստանի Դաշնության
վրա։
