Իրանին ԱՄՆ-ի և Իսրայելի հարվածներից հասցված վնասը գնահատվել է 270 մլրդ դոլար

ԱՄՆ-ի և Իսրայելի հարվածներից Իրանին հասցված վնասը գնահատվել է 270 միլիարդ դոլար․ РИА Новости-ին ասել է կառավարության խոսնակ Ֆաթեմեհ Մոհաջերանին։

«Նախնական և շատ մոտավոր թվերը ցույց են տալիս, որ վնասը մինչ օրս կազմում է 270 միլիարդ դոլար»,- ասել է նա։

Մոհաջերանիի խոսքով՝ ավելի ճշգրիտ թվեր կհրապարակվեն ավելի ուշ՝ բազմափուլ գործընթացից հետո։ Առաջինը կլինի շենքերին հասցված վնասի գնահատումը, իսկ երկրորդը՝ բյուջետային եկամուտների կորստի և արդյունաբերական գործարանների փակման արդյունքում կրած վնասները։

Կառավարության խոսնակը նշել է, որ իրանական բանակցային թիմը քննարկում է նաև Միացյալ Նահանգներից Իրանին պատերազմական փոխհատուցում ստանալը։ Այս հարցը քննարկվել է անցյալ շաբաթ Իսլամաբադում կայացած բանակցությունների ժամանակ։