Իրանում մահապատժի են ենթարկել մզկիթ հրկիզելու համար մեղադրվող տղամարդուն

Իրանում մահապատժի է ենթարկվել մի տղամարդ՝ Թեհրանում մզկիթ հրկիզելուն մասնակցության և հունվարյան հակակառավարական ցույցերի ժամանակ Իսրայելի և ԱՄՆ-ի հետ համագործակցելու համար․ գրում է Euronews-ը՝ հղում անելով Իրանի դատական ​​համակարգին։

Դատական ​​համակարգի Mizan լրատվական գործակալության հաղորդմամբ՝ Ամիրալի Միրջաֆարի անունով տղամարդը կախաղան է հանվել երեքշաբթի:

Պաշտոնական հաղորդագրությունների համաձայն՝ Միրջաֆարին ձերբակալությունից հետո խոստովանել է, որ մասնակցել է հունվարյան բողոքի ցույցերին, վնասել է հանրային սեփականությունը և բենզինով լցված շշերով հրկիզումներ է կատարել։