Սա Փաշինյանի «Իրական Հայաստանի» դեմքն է, երբ նա իրականություն է դարձնում Ալիևի վաղեմի երազանքները․ Արեգա Հովսեփյանը՝ Կանդազի ձերբակալության մասին

Այսօր առավոտյան՝ ժամը 08:00-ի սահմաններում, ձերբակալվել է «Ուժեղ Հայաստան» կուսակցության անվտանգային թիմի ղեկավար Արթուր Ավանեսյանը:

Կուսակցության անդամ Արեգա Հովսեփյանը մանրամասներ է պատմել․ Ավանեսյանի բնակարանում իրականացվել է խուզարկություն, որի ընթացքում, նրանց խոսքով, «որևէ ապօրինի կամ քրեական վարույթին առնչվող առարկա չի հայտնաբերվել»։

Նշվում է, որ Ավանեսյանը մեղադրվում է ընտրակաշառքի գործով, նա չի ընդունում առաջադրված մեղադրանքը, և ներկայում ունի մեղադրյալի կարգավիճակ։

Ըստ նրա՝ սա Փաշինյանի «Իրական Հայաստանի» դեմքն է, երբ նա իրականություն է դարձնում Ալիևի վաղեմի երազանքները։

«30 տարի Ալիևը չկարողացավ ձերբակալել Կանդազին, դա այսօր անում են ՀՀ իշխանությունները։ Սա քաղաքական հետապնդում է։ Մենք վստահ ենք, որ այս գործընթացը մեզ չի կոտրի, և առաջիկա ընտրություններին ժողովուրդն իր ընտրությունը կկատարի»,- նշել է Արեգա Հովսեփյանը։

Նրա խոսքով՝ կողմնակիցները պատրաստվում են հավաքվել դատարանի դիմաց՝ սպասվող դատական գործընթացին հետևելու համար։